ERC-20 ба BEP-20: Ялгаа

ERC-20 ба BEP-20 токены стандартуудын гол ялгаануудыг экосистем, шимтгэл, хурд болон нийцтэй байдлын хувьд судлах нь

Крипто ертөнцөд төрөл бүрийн шинэлэг зүйлс байдгийн нэг нь токены стандартууд юм. Ethereum сүлжээний ERC-20 болон Binance Smart Chain сүлжээний BEP-20 стандартууд багтдаг.

Токены стандарт гэдэг нь тухайн блокчейн сүлжээн дотор токенууд хэрхэн ажиллах ёстойг тодорхойлсон бүтэц, удирдамж, журам юм. Эдгээр нь токенуудын үүрэг, харилцан нийцтэй байдал, гүйлгээний логик зэрэг олон талын нарийвчилсан шаардлагыг тогтоодог.

ERC-20 ба BEP-20 токен гэж юу вэ?

Токены стандарт гэдэг нь тухайн токен хэрхэн ажиллах ёстойг тодорхойлсон дүрэм, журам буюу зааварчилгааны багц юм. Эдгээр стандартууд нь токены хэрэглээ, ашиглалт, мөн системүүдтэй хэрхэн харилцан ажиллахыг тодорхойлдог.

Үүнд:

• Халуун болон хүйтэн хэтэвчүүдтэй (wallets) харилцах,

• Крипто биржүүдтэй холбогдох,

• Ухаалаг гэрээнүүдтэй (smart contracts) уялдах зэрэг орно.

ERC-20 нь Ethereum блокчейн дээрх токенуудын стандарт бол BEP-20 нь Binance Smart Chain (BSC) дээр ажилладаг токенуудын стандарт юм.

ERC-20 токены стандартууд

ERC-20 токенууд нь Ethereum блокчейнд суурилсан бөгөөд энэхүү стандарт нь эдгээр токенууд Ethereum сүлжээнд хэрхэн ажиллах ёстойг тодорхойлсон дүрэм, зааварчилгааны багц юм.

Энэхүү стандартын дагуу:

• Токенуудыг саадгүйгээр дамжуулах,

• Хөрвөх болон хянах,

• Түүнчлэн үнэ цэнэ хадгалах, урамшуулалд оролцох зэрэг нэмэлт функцуудыг хэрэгжүүлэх боломжтой байдаг.

Товчхондоо, ERC-20 стандарт нь Ethereum дээр токенуудыг тогтвортой, найдвартай ажиллуулах үндсэн суурийг бүрдүүлдэг.

BEP-20 токены стандартууд

BEP-20 токенууд нь Binance Smart Chain (BSC) сүлжээнд зориулан бүтээгдсэн токенууд юм. Энэ сүлжээг дэлхийн тэргүүлэгч крипто бирж болох Binance хөгжүүлсэн бөгөөд өндөр хүчин чадалтай, гүйлгээ хурдан явагддаг байдлаараа онцлогтой.

BEP-20 токенууд нь:

• Ethereum-ийн ERC-20 стандарттай төстэй шинж чанаруудтай боловч,

• Гүйлгээний хурд болон шимтгэлийн хэмжээ дээр ялгаатай байдаг.

Мөн эдгээр токенууд нь:

• Төвлөрсөн бус санхүүгийн (DeFi) протоколуудад оролцох,

• Yield farming буюу өгөөжийн хөрөнгө оруулалт хийх шинэ боломжуудыг санал болгодог.

• IEO (Initial Exchange Offering) болон ICO (Initial Coin Offering)-ийн хэлбэрээр крипто төслүүд хөрөнгө босгох хэрэгсэл болгон ашигладаг.

ERC-20 ба BEP-20 токены стандартуудын ялгаа

1. Блокчейн экосистем ба сүлжээ хоорондын нийцтэй байдал

ERC-20 токенууд нь олон төрлийн крипто бирж, дижитал хэтэвч болон децентрализован аппликейшнүүд (dApp)-д дэмжигддэг. Гэхдээ эдгээр токенууд зөвхөн Ethereum сүлжээнд ашиглагддаг бөгөөд өөр сүлжээнд ашиглахын тулд гүүрээр (bridge) дамжуулан шилжүүлэх шаардлагатай байдаг.

BEP-20 токенууд нь Binance Smart Chain (BSC) сүлжээн дээр ажилладаг ч Ethereum-той нийцтэй байхаар бүтээгдсэн. BSC нь өндөр хурдтай, шимтгэл багатай гэдгээрээ алдартай. BEP-20 токенууд нь Binance Bridge хэрэгслээр дамжуулан Ethereum болон бусад сүлжээнүүд рүү дамжуулах боломжтойгоороо давуу талтай.

2. Гүйлгээний шимтгэл ба хурд

ERC-20 токенуудын гол сул тал нь өндөр гүйлгээний шимтгэл буюу “gas fee” юм. Энэ шимтгэл нь сүлжээний ачааллаас хамаарч нэмэгддэг бөгөөд олон хүн зэрэг гүйлгээ хийж байгаа үед хэт өндөр болж болдог.

Харин BEP-20 токенуудын шимтгэл бага байдаг тул олон гүйлгээ хийх хэрэглэгчдэд илүү хэмнэлттэй сонголт болдог. Мөн BEP-20 нь гүйлгээний хурд өндөртэй бөгөөд Ethereum-ын адил сүлжээний ачаалал их үед удаашрах асуудал бага гардаг.

3. ERC-20 ба BEP-20 токен хэрхэн худалдаж авах вэ

Доорх алхмуудыг дагана уу:

1. Крипто бирж сонгох

   • ERC-20 токен авах бол HollaEx Pro эсвэл Coinbase

   • BEP-20 токен бол Binance-ийг ашиглана

2. Бүртгэл үүсгэх

   • Сонгосон бирж дээр бүртгэл нээж, өөрийн мэдээллийг бүртгүүлнэ.

3. Хөрөнгө байршуулалт хийх

   • Төгрөг, ам.доллар зэрэг фиат мөнгө эсвэл криптовалют ашиглан хөрөнгөө байршуулна.

4. Токен худалдаж авах ба арилжаа хийх

   • Бирж дээр “Buy” буюу “Худалдан авах” хэсгийг ашиглан ERC-20 эсвэл BEP-20 токен сонгон арилжаа хийж болно.

5. Хэтэвчний нийцтэй байдал шалгах

   • ERC-20 токенуудыг MetaMask хэтэвч дэмждэг

   • BEP-20 токенуудыг Binance Chain Wallet болон Trust Wallet дэмждэг

Дүгнэлт

ERC-20 ба BEP-20 бол крипто салбарын хамгийн өргөн хэрэглэгддэг токены хоёр стандарт юм. Тэдгээр нь:

• Үндсэн экосистемээрээ ялгаатай

• Гүйлгээний хурд ба шимтгэлээрээ өөр өөр

• Мөн хэтэвч болон биржүүдтэй нийцтэй байдлаараа ялгаатай байдаг.

Иймээс аль стандартыг сонгох нь таны хэрэгцээ, хөрөнгө оруулалтын зорилгод нийцэж байгаагаас хамаарна.